RENUNGAN HARIAN BAHASA TOBA :
Rabu 10 Juni 2009
2 Kor 3:4-11 ; Mat 5:17-19
2 Kor 3:4-11 ; Mat 5:17-19
“Ndang ro Ahu mangarumpakkon; na pajongjongkon do Ahu!”
Haroro ni Jesus Kristus di zamannya diripphu laho manggaori angka peraturan naung adong tingki i. Hape haroro ni Jesus Kristus laho pahothon jala manghatindanghon angka paraturan naung adong tingki i. Angka paraturan dibahen laho mangurupi jolma i asa mangolu di dalan na sintong jala doshon sangkap ni Debata. Alai naung masa di tingki i, tung mansai godang paraturan na mardalan nunga ditamba-tamba i angka namarhuaso, angka namora, angka siboto surat laho dikepentingan nasida. Dibahen nasida peraturan, alai napadalanhon angka jolma na met met, jala holan laho kepentingan nasida. Ala ni i do didok nasida Jesus ro laho manegai peraturan naung mardalan, jala mabiar nasida di si, alana molo pola masa i, rugi dihilala angka ‘parjahat i’. Jesus ro ndang laho manegai manang mangorui peraturan naung binahen ni angka panurirang, alai laho padengganhon peraturan i, asa doshon songon alasan peraturan i dibahen. Jala muse, godang jolma i ndang be boi mangida lapatan ni peraturan i, hola asalma padalhon peraturan. i do muse na laho dipadenggan Jesus.
Aha na masa di tingki zaman ni Jesus, tong dope godang masa di tingki on poang. Tung mansai godang peraturan dibahen angka namalu, angka namora, angka pamarenta na sipata holan laho di kepentinganna, manang dikepentingan halak tertentu. Godang mai muse na padalanhon peraturan holan asalma dipadalan, ndang be didalanhon Alana dihaporseai peraturan ini polru di ibana laho mengarahon ibana tu dalan na denggan. Roha si songoni jotjot muse do masa dihuria. Dibahen i, marhite hata Barita Nauli sadari on, molo hita sibahen peraturan, unangma tabahen peraturan holan laho kepentinganta sandiri, alai ingkon kepentingan ni sude jolma laho mamboan jolma tu ngolu na denggan doshon sangkap ni Debata. Muse marhite hata i, unang ma hita dalanhon peraturan i, holan asalma taat, alai sian roha na ias. Muse unang ma tung mansai mura-mura hita manguhum peraturan, gabe tungkang protes di sude peraturan. On olo masa alana ndang sesuai dohot sangkap ni rohana.
0 komentar:
Posting Komentar