SALAM MARIA PENUH RAHMAT, TUHAN SERTAMU. TERPUJILAH ENGKAU DI ANTARA WANITA, DAN TERPUJILAH BUAH TUBUHMU YESUS. SANTA MARIA BUNDA ALLAH, DOAKANLAH KAMI ORANG YANG BERDOSA INI, SEKARANG DAN WAKTU KAMI MATI. AMIN.

RENUNGAN HARIAN

RENUNGAN HARIAN BAHASA TOBA :
Kamis 11 Juni 2009
Kis 11:21b-26;13:1-3; Mat 5:20-26

“Molo so andul dumenggan hatigoranmuna sian hatigoran ni angka sibotosurat dohot Parise, ndang habongotan hamu harajaon banua ginjang i!”

Adong piga-piga ragam pangalaho ni jolma taringot tu pelean. Adong jolma molo mangalehon pelean apalagi tu huria, ndang olo ibana diumumhon. Adong muse na ingkon diumumhon, tung pe ndang sadia nadilehonna. Anggo daung, ba olo gabe bonsir parbadaan.
Sadarion on, di bagasan Barita Nauli Jesus mangajarhon taringot tu na mangalehon pelean. Pelean na tutu ima pelean na dipelehon sian roha ni ias jala bulus. Pelean lapatanna mamboan na adong di hita, na dilehon Debata tu hita, suang songoni dirinta sandiri. Taringot tu pelean didok Jesus do, ima, pangalaho ni siseanNa ingkon dumenggan sian angka saboto surat dohot angka Parise. Didok Jesus songoni alana jotjot angka halak parise manang siboto surat mangulahon peraturan dohot haporseaonna, ndang sian ias ni rohana, alai holan asa dipuji, holan asa dibereng jolma, jala muse laho dikepentingan nasida sandiri sambing. Nasida mangulahon i sude, alai ndang adong holong ni roha nasida tu angka donganna. Alani i do dodok Jesus, ingkon dumenggan hatigoran ni angka siseanna sian angka halak parise dohot siboto surat.
Tangkas marhite i, jotjot pelean i diulahon holan ala naung somal diulahon, jala naung songoni i peraturanna, ndang dihayati dia do lapatanni pelean i. Jala ido memang na somal, godang jolma mangulahon haporseaonna holan alani haosamalon, ndang sian roha na ias. Rupani i, molo mandurung di gareja, ba nadilehon ima hepeng na ummetmet do, olo do dilehon hepeng na sulangku be di kode, jala olo do ala maila molo ndang mandurung. Ndang be diida angka jolma, pelean i gabe sada dalan hata mandok mauliate tu Debata siala pasu-pasu naung jinalona, gabe sada dalan laho marbagi dohot angka dongan nahumurang marhite na mangalehon peleanna tu Huria, jala Huria ma na pasahothon i tu angka na pogos. Molo tutu do pelean i diulahon sian ias ni rohana, tontu tarida ma di parngoluanna siganup ari, ima ngolu na manghaholongi dongan, gabe siboan dame hita di parngoluan siganup ari. Gariada ninna Jesus, ndang marlapatan na taulahon i sude molo ndang adong dame ni roha di hita, molo ndang mardame jala mamboan dame hita tu angka donganta. Anggiat marhite hata ni Jesus Kristus sadari on, haporeaonta i, tarida ma di pambahenan holong ni roha tu angka donganta jolma. Amen.

0 komentar:

Posting Komentar

VISITOR

free counters

Share

Twitter Delicious Facebook Digg Stumbleupon Favorites