RENUNGAN HARIAN BAHASA TOBA :
Jumat 12 Juni 2009
2Kor 4:7-15; Mat 5:27-32
2Kor 4:7-15; Mat 5:27-32
"Alai di bagasan inganan na mura matapor do artanami on, asa Debata nampuna hagogoon na sumurung i, unang hami."
Pangalaho dohot pambahenan ni angka dongan, ndang i gabe sada ukkuran na manontuhon hakristenon manag haburjuon ni sahalak jolma. Tujuan dohot lapatanna, porlu do parrohahonon. Dibahen i, ndang sae holan mamparrohahon aha na tarida. Alana jot jot na taida di ngolu siganup ari, di tingki adong pemilihan kepada daerah, pemilihan DPR manang angka pemilihan na asing, angka calon i tompu marlumba mangulahon ‘haburjuaon’: adong ma i na mambagi-bagi hepeng, boras manang barang na asing, adong ma na markamapanye mandok dirina parholong roha tu angka na metemet jala rade mangurupi nasida molo nunga tarpillit. Asa songon na porsea jolma di hatana, antar laho ma tu pasa, antar laho tu balian dohot manjama sangkul, hape dinamangulahon i ibana mamangke baju na bagak, tung mansai arga, angka perhiasan na arga sude dipangke jala muse didongani angka pengawalna, jala diboan muse angka wartawan. Hape molo nunga hundul nasida, lupa do di sudde naung hea didokna di tingki kampaye. On nunga jotjot terjadi, alai tung pe songoni puang, sai jotjot do halak si songoni tarpillit jala dipillit angka masyarakat i.
Jala i ma memang kenyataan na masa di ngolunta on. Godang jolma i holan mangida hulit luarna, ndang pola parduli toho do sude i diulahon sian roha na ias jala bulus. Boha hita angka sisean ni Jesus Kristus? Sai unang ma nian songon i hita. ingkon ma tuulahon saluhut angka na denggan jala nauli, marhite roha na ias jala bulus, jala unang mengida manang manguhuk dongan holan marnide luarna sajo. Amen.
0 komentar:
Posting Komentar