RENUNGAN HARIAN BAHASA TOBA :
Ul 4:32-34.39-40; Rom 8:14-17; Mat 28:16-20
ARI REA DEBATA SITOLU SADA
ARI REA DEBATA SITOLU SADA
"Laho ma hamu, podai hamu ma saluhut bangso, didi hamu ma nasida tubagasan Goar ni Ama. Anak dohot Tondi Parbadia!”
Hea sahali tingki mulak ahu sian Malang tu Sumatera Utara, naek kapal ma ahu sian Surabaya. Di bagas kapal i pas mai ari Minggu, adong ma dibahen anta ekbaktian ekumene jala dohot ma ahu di kebaktian i na dipimpin ni sahalak pandita. Di tingki martangiang ndang pinpit simalolonghu, alai hupanotnoti na dohot i, ninna rohanghu, “Adong do nasida na Katolik marhite na mambahen tanda silang?” Bah sian parbinerengahu, lak soadong poang na mambahen tanda silang. Gabe sungkun-sungkun rohangku, “Songonon torop ni na dohot di ibadat, toho do ndang adong na katolik?” Ndang porseao ahu bahwa ndang adong katolik di tingki ulaon i. Pasti na maila do nasida mambahen tanda silang. Maila mambahen tanda silang, berarti boimai dohonon, maila ibana ptuduhon dirina sahalak katolik. Ala tangkas do taboto, mambahen tanda silang tingki mula dohot mantuup tangiang, holan hasomalan ni katolik do.
Sadari on, tarayahon ari Rea Debata Sitolu Sada. Ra nunga jotjot tabegei taringot haporseaonta on. Alai tung mansai maol tarantusan. Tung pe songon i jotjot marusaha jolma i laho patoranghon haporseaon Debata si tolu sada i. Alana olo do jotjot haporseaonon gabe adong na mandok, Debata ni halak Kristen tolu, ndang sada. Gariada adong muse na mandok, Debata ni halak katolik gumodang dope ima opat, alana ditambai halak i si Maria, ninna.Adong halak hita na laho patoranghon Debata sitolu sadai marhite napatudoshon dohot DALIHAN NATOLU, ima nadidok, somba marhula-hula, manat mardongan tubu jala elek marboru. On upaya do on, alai tong ndang pas, alana dihasadaon ni Debata Sitolu Sadai i tung sada hasadaon na so tarsiranghon, alana di bagasan Ama i, disi do muse mian Anak dohot Tondi Porbadia, songoni sebalikna. Hape molo tapangke tudos-tudos Dalihan na tolu, holan hata tolu nai do na adong, alai hasadaonna, ndang adong, gariada olo do jotjot marbadai holan alani bonsir jambar.
Alani i do didok si Agustinus nabadia i, haporseaon Debata si tolu sadai, sada hahomion bolon ni Debata parholong roha. Alana tangkas tung mansai balga holong ni Debata tu jolmai, ai dijadihon do hita, dilehon tu hita ngolu dohot pasu-pasuNa, jala marhite Debata Anak i lam tatanda ma Debata parholong roha i marhite pangajarionNa, jala tarlumobi mai marhite hamamate, hehehehon dohot hananaekNa tu Surgo. Dung mulak Debata Anak i tu surgo, ai ndang ditadinghon hita songon anak ni manuk na so marina alai sai naeng do tongtong Ibana raphon hita jala hita raphon Ibana , na diujungna masuk surgo. Alani ido, tong do mangolu Ibana raphon hita jala marsaor ibana dohot hita ima marhite Debata Tondi porbadia, ima Tondi ni Debata naung dilehon tu hita di tingki hita tardidi.
Sian hatorangan na jempet on, tangkas ma tutu tu hita, haporseaon Debata Sitolu Sada i, sada hahomion bolon taringot tu holong ni Debata tu hita. Dibahen i, boasa hita tong maila mambahen tanda silang, boasa hita maila molo marhite na mambahen tanda silang i hita sahalak Katolik?
Sadari on, tarayahon ari Rea Debata Sitolu Sada. Ra nunga jotjot tabegei taringot haporseaonta on. Alai tung mansai maol tarantusan. Tung pe songon i jotjot marusaha jolma i laho patoranghon haporseaon Debata si tolu sada i. Alana olo do jotjot haporseaonon gabe adong na mandok, Debata ni halak Kristen tolu, ndang sada. Gariada adong muse na mandok, Debata ni halak katolik gumodang dope ima opat, alana ditambai halak i si Maria, ninna.Adong halak hita na laho patoranghon Debata sitolu sadai marhite napatudoshon dohot DALIHAN NATOLU, ima nadidok, somba marhula-hula, manat mardongan tubu jala elek marboru. On upaya do on, alai tong ndang pas, alana dihasadaon ni Debata Sitolu Sadai i tung sada hasadaon na so tarsiranghon, alana di bagasan Ama i, disi do muse mian Anak dohot Tondi Porbadia, songoni sebalikna. Hape molo tapangke tudos-tudos Dalihan na tolu, holan hata tolu nai do na adong, alai hasadaonna, ndang adong, gariada olo do jotjot marbadai holan alani bonsir jambar.
Alani i do didok si Agustinus nabadia i, haporseaon Debata si tolu sadai, sada hahomion bolon ni Debata parholong roha. Alana tangkas tung mansai balga holong ni Debata tu jolmai, ai dijadihon do hita, dilehon tu hita ngolu dohot pasu-pasuNa, jala marhite Debata Anak i lam tatanda ma Debata parholong roha i marhite pangajarionNa, jala tarlumobi mai marhite hamamate, hehehehon dohot hananaekNa tu Surgo. Dung mulak Debata Anak i tu surgo, ai ndang ditadinghon hita songon anak ni manuk na so marina alai sai naeng do tongtong Ibana raphon hita jala hita raphon Ibana , na diujungna masuk surgo. Alani ido, tong do mangolu Ibana raphon hita jala marsaor ibana dohot hita ima marhite Debata Tondi porbadia, ima Tondi ni Debata naung dilehon tu hita di tingki hita tardidi.
Sian hatorangan na jempet on, tangkas ma tutu tu hita, haporseaon Debata Sitolu Sada i, sada hahomion bolon taringot tu holong ni Debata tu hita. Dibahen i, boasa hita tong maila mambahen tanda silang, boasa hita maila molo marhite na mambahen tanda silang i hita sahalak Katolik?
0 komentar:
Posting Komentar