RENUNGAN HARIAN

RENUNGAN HARIAN BAHASA TOBA

Sabtu 20 Juni 2009
Pw. Hati Tersuci SP. Maria
2Kor 12:1-10; Mzm 34:8-9,10-11,12-13; Mat 6:24-34

“Unang holsohon hamu hosamuna sumarihon sipanganon, manang dagingmuna pasarisari parabiton!”
(Mat 6:25)

Jot jot molo adong calon pengantin antar husungkon, “hira-hira molo marsangkap Tuhan i, antar piga ma rencanan muna anakhon muna? Rata-rata alusna mandok , “Ba sada pe pastor molo boi niparbalga-balga dohot pinasingkholahon, manang dope?” Tontu alus ni nasida i alana diida nasida boratni ngolu nuang on, jala tontu alana nunga dietong nasida nasida tolap ni gogo nasida. Toho do memang i, alana ndang denggan talalu patimbohu angan-angan alai ndang adong gogo laho tu si. Alai na gabe parsoalan, ima alus si songoni tung holan alani hotir ni roha, manang holso ni roha di nalaho mangadopi ngulu nuaeng on na tung mansai borat. Jala memang godang nuaeng on na tung mansai mura-mura marhotir roha manang mangholsohon borat ni ngolu nuaeng on, gariada godang jolma ma tung mansai balga hotir ni rohana. Hotir ni roha na bolon manang holso ni roha na boiln, boi mambahen sasahalak i gabe sega, gabe lilu di parngoluan doho haporseaon. Olo do alani i, gabe mangalului dalan na jempat boha ma asa malua sian i.
Di Barita Nauli sadari on dipatolhas Debata tu hita asa unang pola mangolsohon ngolu on. Aha lapatan ni hata on? Tontu lapatan ni hata ni Jesus, ndaong na gabe ndang hita adopi na masa na borat i, ndang na so diboto Jesus aha angka namasa, na borat na diadopi angka ruasNa. Di boto Jesus do saluhutnai. Na laho didok Jesus, ima uang holsoan songon halak na so mardebata. Alana godang hita on, nunga holan marparbaga gogonta sambing, nunga hurang mamparngoluhon haporseaon tu Debata na marhuaso jala parholong roha, na rade mangurupi bangsoNa. Alani ni i di dok Jesus asa unang holsoan hita mamingkirhon na masa on, jala i mambahen hita lilu. Alai hita adopi ma saluhutnai di bagasan haporseaon bolon tu Debata, porsea hita hita mangadopi saluihutnai ndang holan mangasahon dirinta sambing, alai adong do Tuhan Debata na mandongai jala mangurupi hita. Alana Ibana tuhan Debata na tung mansai balga holongNa tu hita. Amen.

Posted in: Renungan Harian